Hardanger produksjonsskule er lokalisert på ein gamal hagebruksskule med aktiv landbruksproduksjon.
På gården vert det produsert ein del råvarer som både vert nytta i kantina, som del av undervising og for salg til kundar. Me produserer eple, pærer, plommer, ulike grønsaker, poteter, blåbær m.m.. Me har også ein liten produksjon av historiske epletre for sal og litt grønsakssmåplanter. Me produserer 2-3000 liter eplesaft til kantina og for sal. På skulen har me også ein vedproduksjon og selger ved i storsekker til kundar. I vinterhalvåret har verkstaden Natur & Miljø fersk fisk frå fjorden for sal på skulen.
